كلمة (حبيبى).......

[Admin]

الحب مش كلمة بسيطة نقولها و نفض المجالس
الحب كلمة عشان اقولها لازم اكون بالمعنى حاسس

رغم انى كتبت الف و ميت قصيدة
جد و غزل
فصحى و زجل
وعملت الف وميت بطل
وبنيت مداين ف الخيال
ورسيت على شط المحال
وقابلت ست الحسن والشاطر حسن
وكتبت خمسين الف بيت مسكون شجن
وكتبت عن جدى اللى عاش حفر القناة
وفيها اندفن
وكتبت عن ابويا اللى مد اليد يبنى السد
ويشيل السلاح يحمى الوطن
وكتبت عن اخويا الكبير اللى عبر واللى انتصر
واللى حضن ميت قنبلة وف قلب اعدائه
انفجر
منسيش ف يوم بحر البقر
وكتبت كتير كتير عن بيت كبير
واسع يشيل كل العرب
اللى بعد واللى اقترب
وكتبت عن فارس جديد بحصان حديد
جاى من بعيد
شايل سلاح ليزر ودرع ستيل
ووردة و سنبلة
مش هيا ديا المشكلة
رغم اللى كان واللى انكتب
رغم الورق اللى شرب دم القلم
لما انسكب
الا انى رغم سنى لسة باحبى فى الحياة
نفسى الاقى طوق نجاة
نفسى احس انى بحب
نفسى احس بحضن قلب
بس لسة مجاش اوان كلمة.......حبيبى

[محمد سبع]

تسلم ايدك كلام جميل جداااااااااااااااااااا معلم والقلم تلميذ والزمن يشهد والحب شىء عزيز
مشكورررررررررررررررررررررررررررررررر
تحياتى : محمد سبع